ხვალ, 18 მაისს, 19:00 საათზე, "ევროპის სახლში" ტურიზმის ეროვნული სააგენტოსა და საგამომცემლო სახლი "მოდის" ორგანიზებით ჟურნალის "MODI to GEORGIA" პრეზენტაცია გაიმართება.
ჟურნალი "MODI to GEORGIA" უფასო, მაღალი ხარისხის ბეჭდვითი გამოცემაა, ინგლისურ-ქართულ ენებზე, რომლის მიზანია საქართველოს პოპულარიზაცია და ითავსებს როგორც შემეცნებით, ისე მუდმივად განახლებული ტურისტული გზამკვლევის ფუნქციას. ჟურნალში შეტანილია საინტერესო ინფორმაცია საქართველოს ტურისტული ადგილების, ისტორიის, ტრადიციების, კულტურის, ბუნებრივი რესურსებისა და კულინარიის შესახებ.
ყოველთვიური უფასო ჟურნალის პირველი ნომერი გამოვიდა 2011 წლის იანვარში. "MODI to GEORGIA" - საქართველოს სავიზიტო ბარათია.
ჟურნალის "MODI to GEORGIA" პრეზენტაციაზე წარმოდგენილი იქნება ნოდარ სუმბაძის არტპროექტი HERBARIUM TBILISIENSIS და ცოცხალი მუსიკა თამთა ცხვიტავას&პაატა დეისაძის შესრულებით.