პარლამენტმა საკონსტიტუციო ცვლილების საყოველთაო-სახალხო განხილვის კომისიის შემადგენლობა 86 ხმით 2-ის წინააღმდეგ დაამტკიცა. პარლამენტის რეგლამენტის თანახმად, საყოველთაო-სახალხო განხილვის კომისია, რომელიც ცვლილებაზე იმუშავებს, დასკვნას მოამზადებს და პარლამენტს წარუდგენს. ამის შემდეგ, საკონსტიტუციო ცვლილების განხილვა უკვე პარლამენტმა უნდა დაიწყოს.
კომისია პარლამენტის, აღმასრულებელი ხელისუფლების და სამეცნიერო საზოგადოების წევრებისგან კომპლექტდა. მასში უმრავლესობით უნდა იყვნენ წარმოდგენილები ოპოზიციის წევრები.
კანონმდებლობის მოთხოვნით, საყოველთაო-სახალხო განხილვის კომისიაში ოპოზიცია უმრავლესობით უნდა იყოს წარმოდგენილი, თუმცა პარლამენტის რეგლამენტი უშვებს გამონაკლისს იმ შემთხვევაში, თუ ამ თანაფარდობით კომისიის დაკომპლექტება ვერ ხერხდება.
აღსანიშნავია, რომ კომისიის წევრობაზე უარი დეპუტატებმა გიორგი ცაგარეიშვილმა და დიმიტრი ლორთქიფანიძემ განაცხადეს.
საქართველოს კონსტიტუციაში პარლამენტის ადგილსამყოფელთან დაკავშირებით ცვლილება შედის. პარლამენტის ადგილსამყოფლად 2012 წლის ოქტომბერში საპარლამენტო არჩევნების შემდეგ მხოლოდ ქუთაისი იქნება.