საჯარო კონსულტაციების პროცესის დასრულების შემდეგ პარლამენტის საფინანსო-საბიუჯეტო კომიტეტი და ფინანსთა სამინისტრო მოსახლეობის მიერ გამოთქმულ კომენტარებს შეაჯამებენ. რეკომენდაციებზე დაყრდნობით პარლამენტში "ძირითადი მიმართულებების დოკუმენტს" შეიმუშავებენ.
2012 წლის ოქტომბერში სახელმწიფო ბიუჯეტის პროექტის ინიცირების შემდეგ კომიტეტი და სამინისტრო საჯარო კონსულტაციების მორიგ რაუნდს ჩაატარებს, სადაც მოსახლეობას მათი რეკომენდაციების საფუძველზე სახელმწიფო ბიუჯეტის პროექტში შეტანილ ცვლილებებს გააცნობს.
საჯარო კონსულტაციების პროექტი ხორციელდება საერთაშორისო საქმეთა ეროვნულ-დემოკრატიული ინსტიტუტის (NDI) მხარდაჭერით და ამერიკის შეერთებული შტატების საერთაშორისო განვითარების სააგენტოს (UშAID) ფინანსური დახმარებით.
შეგახსენებთ, რომ 2012 წლის სახელმწიფო ბიუჯეტის პრიორიტეტებზე მოსახლეობასთან შეხვედრები უკვე ჩატარდება ბათუმში, ზუგდიდში, ფოთში, ხონში, თელავში, რუსთავში, ამბროლაურში, ჭიათურაში, ქუთაისსა და გორში.