ივნისიდან ქართულ ბაზარზე ოპერირებას "Air Astana" და China Southern Airlines იწყებენ. თბილისის აეროპორტის მმართველი კომპანიიის, "ტავ ჯორჯიას" ინფორმაციით, მათ მიერ წარმოებული მოლაპარაკებების შედეგად საქართველოს ავიაბაზარზე ორი ახალია ავიაკომპანია იწყებს რეგულარული რეისების შესრულებას.
2 ივნისიდან თბილისის მიმართულებით პირველ რეისს შეასრულებს ყაზახური ავიაკომპანია "Air Astana", რომელიც კვირაში სამჯერ იფრენს ალმა ატა-თბილისი-ალმა ატას მიმართულებით Embraer E 190-ის ტიპის თვითმფრინავით.
ამასთანავე, 16 ივნისს ტავ ჯორჯიამ ხელი მოაწერა ხელშეკრულებას ჩინურ ავიაკომპანია China Southern Airlines-სთან. შედეგად, 9 ივნისიდან ავიაკომპანია ყოველდღიური რეისების განახორციელებას დაიწყებს ურუმჯი-თბილისი-ურუმჯის მიმართულებით. რეისები შესრულდება "ბოინგ 737", "ბოინგ 757", და "ეარბას 330"-ის ტიპის თვითმფრინავებით.
ავიაკომპანია China Southern Airlines არის ერთ-ერთი უდიდესი ავიაგადამზიდავი არა მარტო ჩინეთის სახალხო რესპუბლიკის მასშტაბით, არამედ მიიჩნევა მსოფლიოს რიგით მეხუთე ავიაკომპანიად შიდა ფრენების მიხედვით. აქვს 121 მიმართულება მსოფლიოს 65 ქვეყანაში და 422 თვითმფრინავისგან შემდგარი ავიაპარკი. 2010 წელს China Southern Airlines-მა გადაიყვანა 76.5 მილიონი მგზავრი შიდა და საერთაშორისო რეისებზე.
კომპანია Air Astana ყაზახეთის ნაციონალური გადამზიდავია და მსოფლიოს 44 მიმართულებით ახორციელებს რეისებს. მისი ავიაპარკი 24 ავიახომალდისგან შედგება და თბილისიდან ალმა-ატას მიმართულებით ფრენებს ორშაბათს, ხუთშაბათსა და შაბათს შეასრულებს.
"ტავ ჯორჯიას" ინფორმაცით, ისეთი რანგის ავიაკომპანიების შემოსვლა ქვეყნის ავიასივრცეში, როგორიც Air Astana და China Southern Airlines -ია უდიდესი მნიშვნელობის ფაქტია არა მარტო საქართველოს, არამედ მთლიანად კავკასიის რეგიონისთვის, გამომდინარე აღნიშნული ავიაკომპანიების მოცულობითა და მათი მრავალმილიონიანი გადაზიდვების რაოდენობით მსოფლიოს ავიაბაზარზე.
წლის დასაწყისიდან ამ დრომდე საქართველოს ავიაბაზარზე უკვე რიგით მესამე საერთაშორისო ავიაკომპანია შემოვიდა, რაც ნათელი დასტურია, რომ ტავ ჯორჯია ქმედით ღონისძიებებს ახორციელებს ახალი ავიაკომპანიების მოზიდვისა და მგზავრთა ნაკადის გაზრდის მიზნით.
