"ტყვეობიდან განთავისუფლების შემდეგ 233 ათას 400 ადამიანი რეპრესირებულ და გასამართლებულ იქნა. ვიღაცას ჩამოხრჩობა მიუსაჯეს, ვიღაცას დახვრეტა, ვიღაცას 25 წელი, ვიღაცას 10, 5 და 3. ეს ადამიანები 160 ბანაკში და 21 სამედიცინო დაწესებულებაში გააგზავნეს. მათი უმრავლესობა კი რა თქმა უნდა დაიღუპა", _ განაცხადა კირილინმა.
მისივე თქმით, მათი ამოცანა ამჟამად მდგომარეობს იმაში, რომ დაზუსტდეს ამ ადამიანთა ბედი, ვინაიდან უპირველეს ყოვლისა ისინი უგზო-უკვლოდ დაკარგულებად ითვლებიან და მეორე უნდა განისაზღვროს თუ რამდენად დიდი იყო მათი დანაშაული.

ყოფილი საბჭოთა კავშირის საგარეო საქმეთა სამინისროს მონაცემებზე დაყრდნობით, კირილინი ასევე აცხადება, რომ საბჭოთა კავშირის 504 ათას 847 მოქალაქე გადაადგილებული პირი გახდა.
"მათგან დაახლოებით 180 ათასი იყო სამხედრო ტყვე. დანარჩენები - ეს იყო მონობაში განდევნილი ჩვენი მოქალაქეები. ისინი მოხვდნენ გერმანიის ფედერაციულ რესპუბლიკაში, ავსტრიაში, ავსტრალიაში, არგენტინაში, პარაგვაიში, ბრაზილიაში, დანიაში, ესპანეთში და მრავალ სხვა ქვეყანაში. ყველაზე მეტი - 100 ათასზე მეტი ადამიანი აშშ-ში და ამავე რაოდენობის ადამიანი გერმანიის ფედერაციულ რესპუბლიკაში", _ აცხადებს რუსეთის თავდაცვის სამინისტროს წარმომადგენელი.

მისივე თქმით, დიდი სამამულო ომის დროს გერმანელებს ტყვედ 68 საბჭოთა გენერალი ჩაუვარდათ და კიდევ 30 უგზო-უკვლოდ დაიკარგა.
"ტყვეობიდან 41 გენერალი დაბრუნდა, მათგან 25 საბჭოთა არმიის კადრებში აღადგინეს, 16-ზე კი საქმე აღიძრა, მათგან 6 სამშობლოს მოღალატის სტატუსით დახვრიტეს", _ განაცხადა კირილინმა.
მისივე თქმით, 20 საბჭოთა გენერალი ფაშისტურ ტყვეობაში დახვრიტეს ან აწამეს. კირილინი ასევე აცხადებს, რომ რეპრესიები საბჭოთა გენერლებისა და ტყვეების მიმართ გერმანიის საარქივო მასალებზე დაყრდნობით ხორციელდებოდა, რომლებიც საბჭოთა ჯარება ხელში ჩაიგდეს.

"იქ ასახული იყო თუ რას ლაპარაკობდნენ ეს ადამიანები. იყვნენ ისეთებიც ვინც კრიტიკულად იყვნენ განწყობილნი საბჭოთა კავშირის მიმართ, ქვეყნის ხელმძღვანელობისა და სტალინის მიმართ. ამბობდნენ, რომ საჭიროა მისი მოცილება, ბოლშევიკების მოცილება და ადრინდელი წყობილების აღდგენა. ასეთი ადამიანები იმ დროის საზომების მიხედვით მოღალატეების რიგებში მოხვდნენ", _ აცხადებს კირილინი.