კალიფორნიის ყოფილი გუბერნატორი არნოლდ შვარცნეგერი და მისი მეუღლე მარია შრაივერი ერთმანეთს მას შემდეგ დასცილდნენ, რაც ცნობილი გახდა, რომ მსახიობი მის სახლში მომუშავე ერთ-ერთი ქალბატონის ბავშვის მამა აღმოჩნდა.
"მას შემდეგ, რაც გუბერნატორის პოსტი დავტოვე, ცოლს ათი წლის წინ მომხდარ ფაქტთან დაკავშირებით გამოვუტყდი. კარგად მესმის იმ სიძულვილისა და იმედგაცრუების, რომელიც ჩემმა საქციელმა ჩემს ახლობლებში გამოიწვია. მომხდარს გამართლება არ აქვს. იმ ტკივილისთვის, რაც მათ მივაყენე, პასუხისმგებლობას მთლიანად ვიღებ,"_აღნიშნა ექს-გუბერნატორმა.
ამასთან, შვარცნეგერმა აღნიშნა, რომ მომხდარის გამო ბოდიში მოუხადა მეუღლეს, შვილებსა და მთლიანად, ოჯახს.