„დემოკრატიული მოძრაობის" ლიდერი ნინო ბურჯანაძე კონსულტაციების დაწყების თაობაზე ეროსი კიწმარიშვილის წინადადებას არ იღებს.
როგორც ბურჯანაძე აცხადებს, „სახალხო კრებას" აქციებთან დაკავშირებით, რომელიც 21 მაისს დაიწყება, გეგმა უკვე გაწერილი აქვს.
„21 მაისამდე დარჩა სულ ოთხი დღე. სახალხო კრებას აქვს ნათლად გაწერილი გეგმა, რა უნდა გაკეთდეს 21 მაისიდან და მას შემდეგ... ფუჭი ლაპარაკის დრო არ არის, ვისაც ქვეყნის გადარჩენა რეალურად სურს, 21 მაისს ხალხის გვერდით უნდა დადგეს", - განმარტავს ბურჯანაძე.
შეგახსენებთ, რომ „ქართული პარტიის" პოლიტიკური მდივანი ეროსი კიწმარიშვილი „სახალხო კრებას" და კონკრეტულად ნინო ბურჯანაძეს აქციებთან დაკავშირებით კონსულტაციების დაწყებას სთავაზობს.
