საქართველოს პრეზიდენტი მიხეილ სააკაშვილი დედაქალაქში შექმნილი წყლის პრობლემით დაინტერესდა. პრეზიდენტმა "ჯორჯიან უოთერ ენდ ფაუერის" არაგვის ხეობაში განთავსებული სათავო ნაგებობა დაათვალიერა. ამასთან, გაესაუბრა ქალაქის მერსა და კომპანიის ტექნიკურ დირექორს.
"მაღალსართულიან კორპუსებში სრული კატასტროფაა. როგორია, აიტანო მე-16 სართულზე ცისტერნიდან მოტანილი წყალი. ხალხი ინფორმირებული უნდა გვყავდეს, ყველანაირი სარეზერვო სისტემა უნდა გვქონდეს. საერთოდ, სქემა აწყობილი უნდა გვქონდეს, როცა მომავალშიც ასეთი უბედურება ხდება", _ განაცხადა პრეზიდენტმა.
მისი თქმით, შეზღუდვების პირობებვში დედაქალაქში ნაკლებად პრივილეგირებული უბნები არ უნდა არსებობდეს და წყალი თანაბრად უნდა გადანაწილდეს.
შეგახსენებთ, არაგვის ხეობაში გადაუღებელი წვიმების გამო დედაქალაქს წყალი შეზღუდვით მიეწოდება და არაგვის ხეობიდან წყლის მიწოდება შემცირებულია. ამჟამად არაგვის ხეობაში მოქმედი 15 ტურბოაგრეგატიდან 13 სრული დატვირთვით მუშაობს.