მიმდინარე წლის ბოლოს აზერბაიჯანში მცხოვრებელი, სამშობლოში დაბრუნების მსურველი ე. წ. თურქი მესხები რეპატრიანტების სტატუსს მიიღებენ. განცხადება ამის შესახებ საზოგადოება "ვეტენის" თავმჯდომარე შამსედდინ სარვაროვმა გააკეთა. ინფორმაციას ამის სააგენტო "სალამნიუსი" ავრცელებს.
მან აღნიშნა, რომ საქართველოში გადასახლების მსურველი თურქი მესხების გადასახლების პროცესის დასაჩქარებლად შექმნილია კომისია, რომელშიც ამ ქვეყნის ოფიციალური პირები შედიან.
"კომისიაში შედიან საქართველოს რიგი სამინისტროების ოფიციალური პირები. რამდენიმე ხნის წინ საზოგადოების წარმომადგენლებმა ამ ოფიციალურ პირებთან შეხვედრა გამართეს. ჩვენ მივაღწიეთ შეთანხმებას იმის შესახებ, რომ სამშობლოში დაბრუნების მსურველ თურქი მესხებს წლის ბოლომდე რეპატრიანტის სტატუსი მიენიჭოთ. ამ პროცესიდან რამდენიმე ხნის შემდეგ ამ პროცესის დასაწყებად მწვანე შუქი აინთება", _ აცხადებს სარვაროვი.
აღსანიშნავია, რომ აზერბაიჯანში მცხოვრებმა 13 ათასმა ე. წ. თურქმა მესხმა საქართველოში დაბრუნების სურვილი უკვე გამოთქვა და ამის შესახებ განცხადება დაწერა. 5428 განცხადება უკვე ქართულ მხარეს აქვს გადაცემული.