წყლით მომარაგების სისტემაში შექმნილ მდგომარეობასთან დაკავშირებით, თბილისის მერმა გიგი უგულავამ განცხადება გააკეთა.
ქალაქის მერის თქმით, დედაქალაქს წყლით ორი ძირითადი წყარო ამარაგებს: ერთია_არაგვი, მეორე_თბილისის ზღვის წყალი.
"გუშინ წყალი ისეთ ნიშნულზე იყო, სუფთა წყლის შენარჩუნება შეუძლებელი გახდა, ამიტომ გადავწყვიტეთ, ერთი მხარე ჩაგვეკეტა. ცალმხრივად მარაგდებოდა თბილისი. ახლა სიტუაცია შედარებით დალაგდა. შესაბამისად, 12 აგრეგატიდან ცხრა უკვე ჩართულია. დღის განმავლობაში, დანარჩენი სამიც ჩაიტვირთება",_აღნიშნა ქალაქის მერმა.
მისი თქმით, ახლანდელი მდგომარეობით, პრობლემა უფრო გლდანისა და მუხიანის მიმართულებით არსებობს.
შეგახსნებთ, ორი დღის განმავლობაში თბილისს წყალი შეფერხებით მიეწოდება. "ჯორჯიან ვოთერ ენდ ფაუერის" წარმომადგენელთა თქმით, გადაუღებელი წვიმების გამო არაგვის დონემ საგრძნობლად მოიმატა და წყალი აიმღვრა, რის გამოც სათავე ნაგებობები ჩაკეტეს, რათა მოსახლეობისთვის დაბინძურებული წყალი არ მიეწოდებინათ.
