პირადობის მოწმობის ასაღებად საცხოვრებელი ადგილის მიხედვით რეგისტრაცია სავალდებულო ხდება. აღნიშნულთან დაკავშირებით ცვლილება შედის "საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის (ბინადრობის) მოწმობისა და საქართველოს მოქალაქის პასპორტის გაცემის წესის შესახებ" კანონში.
კანონპროექტის თანახმად, პირი, რომელსაც სურს აიღოს პირადობის (ბინადრობის) მოწმობა, ვალდებულია თავდაპირველად გაიაროს რეგისტრაცია საცხოვრებელი ადგილის მიხედვით, მიუხედავად იმისა, თუ როგორი ტიპის პირადობის (ბინადრობის) მოწმობას იღებს, ელექტრონულს თუ არაელექტრონულს.
შესაბამისად, პირადობის (ბინადრობის) მოწმობას ვერ აიღებს პირი, რომელსაც არა აქვს გავლილი რეგისტრაცია საცხოვრებელი ადგილის მიხედვით.
