სომხეთის პრეზიდენტი სერჟ სარგსიანი აცხადებს, რომ სომხეთსა და თურქეთს შორის შერიგება მხოლოდ მაშინ იქნება შესაძლებელი, როდესაც თურქეთი სომხების გენოციდს აღიარებს.
"სომხეთსა და თურქეთს შორის შერიგება მაშინ შეიძლება დაიწყოს, როდესაც თურქეთი სომხების გენოციდს აღიარებს", - განაცხადა სოხმეთის პრეზიდენტმა სერჟ სარგსიანმა რუსულ მედიასთან საუბარში.
"აღიარების გარეშე შერიგება არ იქნება. ცდებიან ისინი, ვინც ცდილობენ თურქეთთან ურთიერთობების დაწყების მცდელობები შერიგებად გაასაღონ. ნამდვილი შერიგება მხოლოდ მონანიების შემდეგ იქნება", _ აცხადებს სომხეთის პრეზიდენტი.
კითხვაზე - შესაძლოა თუ არა ეკონომიკური ზრდა ცხადი გეოპოლიტიკური პრობლემების გადაჭრის გარეშე - სომხეთის პრეზიდენტი აცხადებს, რომ ამ კითხვას არ აქვს პირდაპირი და ერთმნიშვნელოვანი პასუხი.
"თუ "არა", მაშინ როგორ ვვითარდებით უკვე 20 წელია? თუ "კი", რატომ ვვითარდებით ასეთი ტემპებით? რა თქმა უნდა თურქეთთან ურთიერთობის დარეგულირების გარეშე შიმშილით არ მოვკვდებით, მაგრამ ჩვენ არ მიგვაჩნია ეკონომიკური ასპექტი თურქეთთან ურთიერთობის ნორმალიზების ძირითად მოტივირებად", _ აცხადებს სომხეთის პრეზიდენტი.
