აშშ-ის საელჩოსთან მიმდინარე საპროტესტო აქციას ეკა ბესელია ემიჯნება. საზოგადოებრივი მოძრაობა "სოლიდარობა უკანონო პატიმრებს" ლიდერის განმარტებით, ის ხალხის უფლებების მხარდამჭერია და მხოლოდ იმ პროცესებს შეუერთდება, რომლებშიც საზოგადოების დიდი აქტიობა იქნება.
რაც შეეხება 21 მაისის საპროტესტო აქციას, ეკა ბესელია მას რიგითი მონაწილის სტატუსით შეუერთდება.
ამასთან, ბესელია მიიჩნევს, რომ ხელისუფლების ცვლილება მხოლოდ არჩევნების გზით არის შესაძლებელი.
"თუ ხალხს მივცემთ ინიციატივის უფლებას, ეს იქნება ყველაზე სწორი ფორმულა. ცოტა ხნით დისტანცირება და მთავარ როლში ხალხის აღმოჩენა,_ეს ჩემთვის არის გამარჯვების ფორმულა. თუ ამას ვინმე ვერ შეძლებს, ეს შეცდომა იქნება",_აცხადებს ბესელია.