საზოგადოებრივი მოძრაობა "ჩემი საქართველო" აშშ-ის საელჩოსთან გამართულ საპროტესტო აქციას მიზანშეუწონლად მიიჩნევს. მოძრაობის წევრები ქართველ ოპოზიციონრებს ურჩევენ, საპროტესტო გამოსვლები არა ამერიკის საწინააღმდეგოდ, არამედ საქართველოს დეოკუპაციის მოთხოვნით გამართონ.
საზოგადოებრივ მოძრაობაში აცხადებენ, რომ თავად სწორედ ასეთი მანიფესტაციის პროგრამაზე მუშაობენ, რომელსაც უახლოეს დღეებში წარადგენენ.
ამასთან, "ჩემი საქართველოს" წარმომადგენლები მიიჩნევენ, რომ აშშ ჩვენი მეგობარი ქვეყანაა და არ ღირს, დიპლომატიურ დაწესებულებას ამ ტერმინოლოგიით ესაუბრო.