19 მაისს პარლამენტში მთავრობის 2010 წლის ანგარიშის განხილვა დაიწყება. როგორც დღეს, ბიუროს სხდომაზე საფინანსო-საბიუჯეტო კომიტეტის თავმჯდომარემ ზურაბ მელიქიშვილმა აღნიშნა, კომიტეტში ანგარიშის განხილვა უკვე ჩაინიშნა.
მელიქიშვილმა ასევე კომიტეტებს მოუწოდა, რომ მთავრობის ანგარიშის განხილვა 15 ივნისამდე დასრულონ, რადგან პარლამენტის პლენარულ სხდომაზე არაუგვიანეს 15 ივნისამდე უნდა გავიდეს.
ამასთან, პარლამენტის თავმჯდომარემ დავით ბაქრაძემ ზურაბ მელიქიშვილს მიმართა, რომ საფინანსო-საბიუჯეტო კომიტეტის სხდომაზე კონტროლის პალატის წარმომადგენლებიც მოიწვიონ და ანგარიშზე მომზადებული დასკვნა მოისმინონ.
როგორც ცნობილია, მთავრობის ანგარიში ბიუჯეტის შესრულებას შეეხება.