დღეს 16 მაისს, საქართველოს პარლამენტის თავმჯდომარე დავით ბაქრაძე გაეროს განვითარების პროგრამის (UNDP) ხელმძღვანელს საქართველოში ჯეიმი მაკგოლდრიკს და ჰოლანდიის ელჩს საქართველოში პიტერ ლანგენბერგს შეხვდება.
შეხვედრას ასევე დაესწრებიან საქართველოს პარლამენტის, გაეროს განვითარების პროგრამის (UNDP), ჰოლანდიის საგარეო საქმეთა სამინისტროსა და საქართველოში ჰოლანდიის საელჩოს წარმომადგენლები.
მხარეები შეხვედრაზე საქართველოს პარლამენტის ხელშეწყობასა და თანამშრომლობის სამომავლო პერსპექტივებზე ისაუბრებენ.
შეგახსნებთ, რომ საქართველოს პარლამენტის ხელშეწყობის პროექტი ერთი წლის წინ გაეროს განვითარების პროგრამის (UNDP) ინიციატივით დაიწყო, რომელიც მიზნად ისახავს პარლამენტის მხარდაჭერას, როგორც წარმომადგენლობის, კანონშემოქმედებით, აღმასრულებელ ხელისუფლებაზე ზედამხედველობისა და ქვეყნის პოლიტიკის ძირითადი მიმართულებების განსაზღვრაში.
პროექტი ასევე მხარს დაუჭერს საქართველოს პარლამენტის თანამშრომლობას ევროპის ქვეყნების პარლამენტებთან.