საქართველოს 17-19 მაისს კორეის რესპუბლიკის ეროვნული ასამბლეის დელეგაცია ეწვევა. ამის შესახებ ორშაბათის ტრადიციულ პრესკონფერენციაზე საგარეო საქმეთა მინისტრის მოადგილე ნინო კალანდაძემ განაცხადა.
„საქართველო ცდილობს, რაც შეიძლება გააფართოვოს თანამშრომლობის არეალი კორეაც ის სახელმწიფოა, რომელთანაც საქართველოს თანამშრომლობა სურს, განსაკუთრებით ეკონომიკურ სფეროში. ამ თვალსაზრისით მნიშვნელოვანია, რომ პოლიტიკური ურთიერთობები იყოს მაქსიმალურად გაღრმავებული", - განაცხადა ნინო კალანდაძემ.
მისივე თქმით, საქართველოს საგარეო საქმეთა სამინისტროს დაგეგმილი აქვს კორეაში საელჩოს გახსნა, თუმცა მანამდე იგეგმება ოფიციალური წარმომადგენლობის გახსნა, სადაც მივლენილი იქნება 1 სრულუფლებიანი დიპლომატიური მანდატით აღჭურვილი პირი.
