დღეს 30-მდე არასამთავრობო ორგანზიაციამ ქვეყანაში მიმდინარე პროცესებთან დაკავშირებით სპეციალური განცხადება გაავრცელა. მათი თქმით, მნიშვნელოვანია საარჩევნო გარემოს შეცვლა და ამ პროვესის მხარდაჭერა.
"შექმნილ ვითარებაში გამოსავალი იქნება ხელისუფლების გადაცემა დემოკრატიული არჩევნების გზით, რასაც წინ უნდა უძღოდეს საარჩევნო გარემოს შეცვლა", - აცხადებენ არასამთავრობო ორგანიზაციების წარმომადგენლები.
მათი თქმით, საარჩევნო გარემოს შეცვლის მოთხოვნით, რვიანში გაერთიანებულ პოლიტიკურ პარტიათა მოლაპარაკებები ხელისუფლებასთან ჩიხში შევიდა, რაც პოლიტიკურ ძალთა ნაწილს საფუძველს აძლევს ეჭვქვეშ დააყენოს ასეთი მოლაპარაკებების წარმატება და ვითარების შეცვლის ერთადერთ გზად მოვლენათა რევოილუციური განვითარება მიიჩნიოს.
აქედან გამომდინარე, არასამთავრობო ორგანიზაციები მოითხოვენ შესრულდეს შემდეგი პირობა: ამომრჩეველთა რეალური რაოდნეობის დადგენა, სამართლიანი საარჩევნო კოდექსის მიღება, საარჩევნო კოდექსის მოთხოვნათა დაცულობის კონსტიტუციური გარანტია, ძალოვანი სტრუქტურების დეპოლიტიზაცია და საარჩვენო პროცესებში მათი ჩაურევლობა, სასამართლო სისტემის დეპოლიტიზაცია, მედიისა და ბიზნესის გათავისუფლება სახელისუფლებო წნეხისგან. ასევე, მოითხოვენ არჩევნების პროცესში მმართველი პარტიის მიერ ადმინისტრაციული და საბიუჯეტო რესურსების გამოყენების აკრძალვის რეალური მექანიზმის შექმნას.