"ჯი-ეიჩ-ენის" ინფორმაციით, საფრანგეთმა შიდა ქართლში საქართველოს პრეზიდენტის ყოფილ რწმუნებულ მიხეილ ქარელს პოლიტიკური თავშესაფარი მისცა. წყაროს ცნობით, ამის შესახებ მას გუშინ თავად მიხეილ ქარელმა განუცხადა.
ამ დროისთვის აღნიშნულის შესახებ ინფორმაციას საქართველოში საფრანგეთის საელჩოში არ ფლობენ.
შეგახსენებთ, რომ მიხეილ ქარელს შიდა ქართლში პრეზიდენტის რწუნებულის პორტი 2004-2007 წლებში ეკავა. 2007 წლის 23 სექტემბერს ის მექრთამეობისა და უკანონო სამეწარმეო საქმიანობის ბრალდებით დააკავეს და მისი აყვანა მაშინ მოხდა, როცა ქარელი საქართველოდან გაქცევას ცდილობდა. გორის რაიონულმა სასამართლომ მას 16-წლიანი პატიმრობა შეუფარდა, თუმცა მოგვიანებით გირაოს გადახდის სანაცვლოდ გაათავისუფლეს. ამის შემდეგ ქარელი ქართულ პოლიტიკაში აღარ გამოჩენილა. გავრცელებული ინფორმაციით, მან საქართველო დატოვა და ამ დრომდე თავს საფრანგეთს აფარებდა.
მიხეილ ქარელი საქართველოს თავდაცვის ყოფილი მინისტრის, ირაკლი ოქრუაშვილის ახლო მეგობარია, რომელიც ასევე საფრანგეთში, პოლიტიკური თავშესაფრით სარგებლობს.
