საქართველოს პრეზიდენტის მიხილ სააკაშვილის შეფასებით, რუსეთის მიერ მართულ რადიკალური ჯგუფების მიერ ბათუმში ჩამოყვანილი ხალხი ბათუმის სილამაზით "პირდაფჩენილი დარჩა".
ამის შესახებ პრეზიდენტმა მიხეილ სააკაშვილმა დღეს, სარფის საბაჟო პუნქტის მშენებლობის მონახულებისას განაცხადა.
"გუშინ ტელევიზორში მოვკარი თვალი რუსეთიდან მართული ერთ-ერთი რადიკალურმა ჯგუფმა ექსკურსიაზე, რომ დაჰყავთ ხოლმე ასე ჩასვეს ავტობუსებში ხალხი და ვითომ აქ რაღაცეების ჩასატარებლად და ასარევად ჩამოვიდნემ. მაგრამ ორ წუთში ხალხი შემოეცალათ, რადგან მათ ბათუმი არ ჰქონდათ ნანახი და ყველამ პირები დააფჩინა", - აღნიშნა სააკაშვილმა.
მისივე თქმით, რადიკალებისგან ჩამოყვანილი ხალხი, რომელსაც საპროტესტო აქცია უნდა ჩაეტარებინა ბათუმში გაოგნებულები და აღფრთოვანებულები დადიოდნენ.
"ეს არის ყველაზე ლამაზი ქალაქი, რომლიც თითეულ ქართველს სიამაყით აღავსებს", - აღნიშნა პრეზიდენტმა.
შეგახსენებთ, რომ გუშინ ბათუმში "ქართული პარტია" საპროტესო აქცია გამართა.
