ქრისტიან - დემოკრატიული მოძრაობის წევრებმა INFOMATRIX 2011-ის მსოფლიო ფინალზე ბრინჯაოს მედალი მოიპოვეს. მოძრაობის წევრების მიერ წარდგენილი პროექტი, სახელწოდებით „The Right Choice" , მოკლემეტრაჟიანი ფილმის გადაღებას, გრაფიკული ელემენტების ჩართვით და კომპიუტერული პროგრამების საშუალებით მის დამუშავებას მოიცავდა.
პროექტების რეგისტრაცია 2011 წლის ოქტომბერში დაიწყო და 2011წლის 28 თებერვალს დასრულდა. ყველა რეგისტრირებულმა პროექტმა გაიარა შესარჩევი ტური და გამოცხადნენ კონკურსის ფინალისტები.
მსოფლიოს 38 ქვეყნიდან ფინალში 97 მონაწილე პროექტი გავიდა, მათ შორის ქრისტიან-დემოკრატიული მოძრაობის წევრების მიერ წარდგენილი პროექტიც.
21 საუკუნე ეს არის საინფორმაციო, ტექნოლოგიური განვითარების საუკუნე. სწორედ ის ქვეყნები მიაღწევენ წარმატებას, რომლებიც მეტად განვიათარდებიან ამ კუთხით და თავიანთი საზოგადოების წარმატებისთვის ინოვაციური აზროვნებისა და ახალი ტექნოლოგიების ათვისებისათვის შესაბამის გარემოს შექმნიან - განაცხადა გიორგი თარგამაძემ.
ქრისტიან-დემოკრატიული მოძრაობა მწირი ფინანსური რესურსების მიუზედავად, ხელს უწყობს, როგორც ახალგაზრდა ქრისტიან-დემოკრატების წარმატებას და განვითარებას, ასევე საქართველოს მასშტაბით მცხოვრებ სხვა ნიწიერ ახალგაზრდების თვითრეალიზაციასა და საკუთარი თავის წარმოჩენას.
INFOMATRIX 2011 IT სფეროთი დაინტერესებული მოსწავლეებისთვის ინფორმატიკის პროექტების საერთაშორისო კონკურსია, რომელსაც რუმინეთის განათლებისა და მეცნიერების სამინისტრო და ბუქარესტის საერთაშორისო სკოლა ISMB ატარებს. ოლიმპიადის ჩატარებაში აქტიურ მონაწილეობას Microsoft-ის რუმინეთის წარმომადგენლობა იღებს.
