"მანჩესტერ იუნაიტედმა" ინგლისის პრემიერლიგა მოიგო. ჩემპიონის ტიტული მათ "ბლექბერნთან" მოპოვებული ქულის შემდეგ გაინაღდეს. ბოლო ტურის წინ "წითელ ეშმაკებს" 77 ქულა დაუგროვდათ და მეორეადგილოსან "ჩელსის" 7 ქულით უსწრებენ.
ინგლისის ჩემპიონის ტიტულების რიცხვით (19), მანჩესტერელებმა "ლივერპულს" გადაუსწრეს. აღსანიშნავია, რომ 1986 წლიდან გუნდს დღემდე შეუცვლელად წვრთნის მისი თავკაცი ალექს ფერგიუსონი. შოტლანდიელი სპეციალისტის ხელში, "მანჩესტერი" პრემიერლიგის გამარჯვებულის ტიტულს 12-ჯერ დაეუფლა.
გუშინ გაიმართა ინგლისის ასოციაციის თასის ფინალი. "მანჩესტერ სიტიმ" "უემბლიზე" "სტოკი" 1:0 დაამარცხა. ერთადერთი გოლი შეხვედრის 74-ე წუთზე იაია ტურემ გაიტანა.
