აზერბაიჯანში არ არსებობს სერიოზული პრობლემები აქ მაცხოვრებელი ქართველებისათვის. ეს განცხადება საზოგადოება "ბორჩალოს" ხელმძღვანელმა ზელიმხან მამედლიმ "სალამნიუსთან" საუბარში გააკეთა.
"აზერბაიჯანის ჩრდილო-დასავლეთ ნაწილში არ არსებობს არავითარი პრობლემა ქართულ სკოლებთან დაკავშირებით. შესაძლოა გარკვეული სირთულეები არის სახელმძღვანელოების არასაკმარისობასთან დაკავშირებით, სწავლების დაბალ დონესთან დაკავშირებით, თუმცა მხოლოდ ეს არის და ეს", _ აცხადებს მამედლი.
გავრცელებული ინფორმაციის კომენტირებისას, რომლის მიხედვითაც ზაქათალის რაიონის მაცხოვრებლებმა საქართველოს საგარეო საქმეთა მინისტრის სახელზე აზერბაიჯანში საქართველოს ელჩის თეიმურაზ შარაშენიძის წინააღმდეგ ხელმოწერების შეგროვება დაიწყეს მამედლი აცხადებს, რომ "საუბარი შეიძლება მიმდინარეობდეს რაღაც სოციალური ხასიათის პრობლემებზე, მაგრამ ნაკლები პრობლემების წინაშე როდი დგანან საქართველოში მაცხოვრებელი აზერბაიჯანელები. ხოლო რაც შეეხება განათლების საკითხებს, მაგალითად ბორჩალოში არის სკოლა სადაც სწავლება მხოლოდ ქართულ ენაზე მიმდინარეობ. შიდა ქართლში კი სადაც აზერბაიჯანული ეროვნების მოსახლების უმრავლესობა ცხოვრობს მართლად არის აზერბაიჯანულენოვანი სკოლების პრობლემა", _ აცხადებს ზელიმხან მამედლიმ.
