გარდაცვლილი ბიზნესმენის, ბადრი პატარკაციშვილის საარჩევნო შტაბის ყოფილმა წევრებმა საზოგადოებრივი მოძრაობა "ჩემი საქართველო" დააფუძნეს.
როგორც „ჯი-ეიჩ-ენს" მოძრაობის დამფუძვნებლებმა განუცხადეს, „ჩემი საქართველო" პოლიტიკური პროცესების მონიტორინგის მიზნით იქმნება და იგი,როგორც ხელისუფლების, ისე ოპოზიციის ქმედებებს შეაფასებს.
„საქართველოში პოლიტიკური პროცესი ნელ-ნელა ჩიხში შედის და დაანონსებული რევოლუციების პარალელურად, ვდგავართ შეიარაღებული დაპირისპირების საფრთხის წინაშე. ჩვენ მოგვაჩნია, რომ პოლიტიკური ჩიხიდან გამოსავალი უნდა ვეძებოთ და თავიდან უნდა ავიცილოთ ქვეყნის 90-იან წლებში დაბრუნების საფრთხე", - აცხადებენ ორგანიზაციის დამფუძნებლები.
მათივე თქმით, „ჩემი საქართველო" ყოველგვარი ძალადობის წინააღმდეგია, როგორც ხელისუფლების,ისე ოპოზიციის მხრიდან.
„ჩვენი ძალისხმევა მიმართული იქნება ქვეყანაში სამოქალაქო დაპირისპირების წინააღმდეგ", - განმარტავენ პატარკაციშვილის ყოფილი თანაგუნდელები.
საზოგადოებრივი მოძრაობა"ჩემი საქართველოს"დამფუძნებლები ელისო კილაძე, გია ქურდაძე, ზაზა ჯვარშეიშვილი, კახა ლომია, ნიკოლოზ მელითაური, გიორგი ძოწენიძე დაგოგი დემეტრაძე არიან. ორგანიზაციას ელისო კილაძე ხელმძღვანელობს. მოძრაობის სლოგანია"საქართველო ჩემი სახლია"
„ჩემი საქართველოს" წევრები პოლიტიკურ პროცესებში აქტიურად ჩართულები აქამდე არ ყოფილან.
