დღეს, 13 მაისს, ოპოზიციური "რვიანი" საქართველოში აკრედიტებული დიპლომატიური კორპუსიის წარმომადგენლებს შეხვდებიან.
როგორც "ჯი-ეიჩ-ენს" "რვიანში" შემავალი "ახალი მემარჯვენეების" პრესსამსახურიდან აცნობეს, ოპოზიციონერი ლიდერები დიპლომატებს იმ მიმართვას გააცნობენ, რომელიც გუშინ, პრეზიდენტ მიხეილ სააკაშვილს გადაუგზავნეს.
ამასთან, "რვიანი" უცხოელ ელჩებს საარჩევნო გარემოს გაუმჯობესების თაობაზე მიმდინარე მოლაპარაკებების შეფერხების შესახებაც მიაწოდებენ ინფორმაციას.
შეხვედრა "ახალი მემარჯვენეების" ოფისში 11:00 საათზეა ჩანიშნული.
