რუსეთის შესახებ კრიტიკულ ანგარიშს აქვეყნებს ადამიანის უფლებათა დამცველი ორგანიზაცია "ამნესტი ინტერნეიშენელი". ანგარიშში ნათქვამია, რომ რუსეთის ხელისუფლების მხრიდან დემონსტრანტებზე რეპრესიები გრძელდება.
ექსპერტებმა ამჟამად განსაკუთრებული ყურადღება დაუთმეს ქვეყანაში სასამართლო სისტემის გაუმართაობას.
"ამნესტი ინტერნეიშენელმა" კითხვის ნიშნის ქვეშ დააყენა სასამართლოს გადაწყვეტილების ლეგიტიმურობა ხოდორკოვსკისა და ლებედევის საქმესთან დაკავშირებით.
"ეს იყო პოლიტიკურ საფუძველზე წამოყენებული ბრალდებები და პროცესუალურული დარღვევების ჩატარებული სასამართლო", _ ნათქვამია ბოლო ანგარიშში.
ქვეყანაში დაწყებულ პოლიციის რეფორმასთან დაკავშირებით, კი ადამიანის უფლებათა დამცველები აცხადებენ, რომ რეფორმა ბოლომდე განუხორციელებელი დარჩა და უკანონო ქმედებებში გარეული პოლიციელები დაუსჯელები არიან.