"ევროკავშირმა შენგენის სივრცის კარგი მართვა აუცილებლად უნდა უზრუნველყოს", _ ეს განცხადება საგარეო საქმეთა ევროპული კომისიის წევრმა სესილია მალმსტრემმა გააკეთა.
"შენგენი ჩვენი მთავარი მიღწევაა და ჩვენ იგი უნდა დავიცვათ", _ განაცხადა მან ბრიუსელში მიმდინარე იუსტიციისა და საგარეო საკითხების ევროკავშირის საბჭოს სხდომის ფარგლებში მოწყობილ პრესკონფერენციაზე.
თუმცა, მისი თქმით, წესები და პროცედურები დაზუსტებას მოითხოვს, რათა "თავიდან იქნეს აცილებული შენგენის სივრცეში შემავალი ამა თუ იმ სახელმწიფოს მიერ მიღებული არააკოორდინირებული გადაწყვეტილებები".
ევროკომისიის წევრი მიიჩნევს, რომ შიდა საზღვრებზე კონტროლის აღდგენა მხოლოდ უკიდურეს შემთხვევაში უნდა იყოს დასაშვები, მაშინ, როდესაც სხვა გადაწყვეტილების მიღება არ შეიძლება.
"და ეს მკაცრად რეგლამენტირებული უნდა იყოს. ევროკავშირში დებატები ამ საკითხთან დაკავშირებით გაგრძელდება", _ განაცხადა სესილია მალმსტრემმა.
მან აღნიშნა, რომ თავშესაფრის მიცემის ევროპული რეჟიმის მიცემის გარეშე შეუძლებელია არსებობდეს საზღვარზე წესრიგი და სწორი საიმიგრაციო პოლიტიკა. ორგანიზებული კანონიერი იმიგრაცია არ იქნება მიგრანტთა ინტეგრაციის სისტემის გარეშე, ხოლო უკანონო მიგრაციასთან ბრძოლა რეადმისიის მექანიზმის გარეშე ძნელი იქნება.
ტუნისიდან და ლიბიიდან მიგრანტებზე საუბრისას მან აღნიშნა, რომ ევროპამდე ბოლო თვეების განმავლობაში ადამიანთა არცთუ ისე დიდმა რაოდენობამ მიაღწია. აუცილებელია იმაზე ფიქრი, თუ როგორ უნდა მოხდეს მათი მიღება.