"დემოკრატიული მოძრაობის" ლიდერის, ნინო ბურჯანაძის მტკიცებით, სააკაშვილის ხელისუფლების "გასტუმრება"რამდენიმე საათშიც არის შესაძლებელი.
"თითო ოჯახიდან თითო კაცი რომ გამოვიდეს 21-ში აქციაზე, ვინც ხელისუფლების მხრიდან შეურაცხყოფილია და ვისი ღირსებაც უსამართლოდაა შელახული, რომლებსაც ესმით რომ ქვეყანა ინგრევა, ნადგურდება და პერსპექტივა არ აქვს, გარწმუნებთ, რომ, დიდი ალბათობით, რამდენიმე საათშიც შეიძლება სააკაშვილის და მისი ხელისუფლება იქნეს გასტუმრებული", - განაცხადა ნინო ბურჯანაძემ "პრაიმ-ტაიმის" პრესკლუბში ჟურნალისტებთან შეხვედრისას.
შეგახსენებთ, რომ "სახალხო კრების" ორგანიზებით 21 მაისიდან თბილისში "თავისუფლების მოედანზე" და ბათუმში "ერას მოედანზე" საპროტესტო აქციები იწყება.
მასალის გამოყენების პირობები
