"დემოკრატიული მოძრაობის" ლიდერის ნინო ბურჯანაძის განცხადებით, 21 მაისის აქციაზე მისულ საზოგადოებას რეზინის ტყვიების არ შეეშინდება.
"ერთი-ორი ჯოხის მოქნევით და თუნდაც რეზინიის ტვიებით უკან ნამდვილად ვერ დაგვახევინებენ და თუ, ღმერთმა არ ქნას და ნამდვილი იარაღის გამოყენებას დააპირებენ, მაშინ ძალიან მალე დამთვარდებიან და მაშინ ვერ გაასწრებენ აქედან, რადგან უმკაცრეს პასუხს მიიღებენ როგორც ქრათველი ხალხისგან, ისე საერთაშორისო თანამეგობრობისგან", - განაცხადა ნინო ბურჯანაძემ "პრაიმ-ტაიმის" პრესკლუბში სტუმრობისას.
მისივე განმარტებით, "სახალხო კრებას" მოქმედების კარგად ჩამოყალიბებული გეგმა აქვს, თუმცა მას წინასწარ არ გაახმოვანებს.
"ის ადამიანები, რომლებიც მზად არიან 21 მაისს გამოვიდნენ აქციაზე, გვენდობიან და არ გვეკითხებიან კონკრეტულ გეგმებს. ჩევნ გვაქვს ძალიან ნათლად ჩამოყალიბებული გეგმები როგორ უნდა ვიმოქმედოთ, თუმცა მას წინასწარ არ ვიტყვით" - აღნიშნა ბურჯანაძემ.
