საქართველოს ავტორთა საზოგადოებას ადვოკატი გიგა კობალაძე უხელმძღვანელებს. აღნიშნული გადაწყვეტილება საქართველოს ავტორთა საზოგადოების ახალი თავმჯდომარისა და გამგეობის არჩევნებზე იქნა მიღებული, რომელიც რუსთაველის თეატრის მცირე დარბაზში გაიმართა.
არჩევისთვის საჭირო დამსწრეთა ხმების 51 პროცენტი იყო.
კობალაძეს, როგორც იურისტს, გამოცდილება აქვს საავტორო უფლებების დაცვის სფეროში. არჩევნებამდე კობალაძემ 5 მაისს ავტორებს (კომპოზიტორებს, რეჟისორებს, მწერლებს, მხატვრებს) წარუდგინა სამოქმედო პროგრამა, რომელიც ითვალისწინებს საქართველოში საავტორო უფლებების დაცვის და განხორციელების თანამედროვე სტანდარტების დანერგვას.
