საქართველოს პრეზიდენტი მიხეილ სააკაშვილი სერტიფიცირებულ პედაგოგებს შეხვდა. პრეზიდენტის განცხადებით, საქართველომ უნდა შექმნას ახალი სტანდარტი საქართველოს განათლების სისტემაში, რათა იყოს კონკურენტუნარიანი მსოფლიოში.
"საქართველომ ყველაფერი უნდა გააკეთოს იმისთვის, რომ საერთაშორისო არენაზე კონკურენტუნარიანი იყოს და ამის მთავარი წინაპირობა განათლების სისტემის სწორი რეფორმირებაა", - განაცხადა პრეზიდენტმა.
დღეს პრეზიდენტის პრესსპიკერმა მანანა მანჯგალძემ განაცხადა, რომ მიმდინარე კვირაში პრეზიდენტის საქმიანობის დიდი დრო დაეთმობა განათლების დარგში მიმდინარე რეფორმებს. მისივე ინფორმაციით, პრეზიდენტი მიმდინარე კვირაში შეხვედრას იმ მასწავლებლებთან გამართავს, რომლებმაც ჩააბარეს სასერთიფიკაციო გამოცდები. პრეზიდენტის შეფასებით, მუშაობას ამ მიმარულებით შედეგი მოყვა. სასერთიფიკაციო გამოცდებში უკვე 24 ათასი მასწავლებელია დარეგისტრირებული.
