პრინცი უილიამი და ქეით მიდლტონი საქორწილო მოგზაურობაში გაემგზავრნენ. ქვეყანა ჯერჯერობით არ კონკრეტდება. ცნობილია მხოლოდ, რომ კემბრიჯის ჰერცოგი და ჰერცოგინია ათი დღის განმავლობაში ინდოეთის ოკეანეში მდებარე კუნძულზე დაისვენებენ. ამ ინფორმაციას გაზეთი Daily Mail-ი ავრცელებს.
აქამდე სამეფო წყვილის სავარაუდო დასვენების ადგილად სხვადასხვა ვარიანტი განიხილებოდა. მათ შორის, კენია, კარიბის ზღვა, ავსტრალია, იორდანია და შოტლანდია.
გავრცელებული ინფორმაციით, ქეით მიდლტონმა ბოლო დრომდე არაფერი იცოდა იმ ადგილის შესახებ, სადაც თაფლობის თვეს გაატარებს.
სკოტლანდ-იარდის ორმა ოფიცერმა ჯერ კიდევ ორი კვირის წინ საქორწილო მოგზაურობის სავარაუდო ადგილი უსაფრთხოების მხრივ შეამოწმა.
ახლად ჯვარდაწერილები პირადი თვითმფრინავით დასასვენებლად კვირას გაემგზავრნენ. ისინი ექსკლუზიურ ვილაში დასახლდებიან, სადაც ერთი ღამის ღირებულება 4 ათასი ფუნტი.
