საპატიმროებში მსჯავრდებულების გარდაცვალების ფაქტების გამოსაძიებლად ადვოკატები დამოუკიდებელი საგამოძოებო კომისიის შექმნას ითხოვენ.
ამის შესახებ დღეს პარლამენტში ქრისტიან დემოკრატებთან შეხვედრის დროს ადვოკატმა ქეთი ბექაურმა განაცხადა.
მისი თქმით, ხშირად პატიმრების გარდაცვალების ფაქტები გამოუძიებელი რჩება ან იწყება გამოძიება, რომელიც წლები უშედეგოდ ჭიანურდება.
ბექაური ითხოვს დამოუკიდებელი საგამოძიებო კომისიის შექმნას, რომელშიც შევლენ საზოგადოებისთვის ცნობილი სახეები, ასევე დამოკუდებელი ექსპერტები, სამედიცინო სფეროს წარმომადგენლები, არასამთავრობო და ადამიანთა უფლებათა დამცველი ორგანიზაციები, ადვოკატები და საპარლამენტო უმცირესობის და უმრავლესობის წევრები.
„აუცილებელია შეიქმნას მუდმივმოქმედი მონიტორინგის საბჭო, რომელიც ციხეებში არსებულ ვითარებას 24 საათიან რეჟიმში გააკონტროლებს", - განაცხადა ბექაურმა.
ადვოკატის თქმით, მსგავსი ორგანზიაციების შექმნას პატიმრებისთვის სასიცოხლო მნიშვნელობა აქვს.
„ქართულ ციხეებში 2010-2011 წლებში უკვე 145 პატიმარია გარდაცვლილი", - აგანცხადა ბექაურმა.
სხდომაზე ქეთი ბექაურის საპასუხოდ უმცირესობის ლიდერმა გიორგი თარგამაძემ აღნიშნა, სახალხო დამცველის ანგარიშთან დაკავშირებით დადგენილების პროექტზე მუშაობენ და ადვოკატის ეს წინადადებები მათში აუცილებლად აისახება.
