ადამიანის უფლებების დაცვის კომიტეტი სახალხო დამცველის ანგარიშს 23 მაისს განიხილავს. როგორც დღეს, ბიუროს სხდომაზე ადამიანის უფლებების დაცვისა და ინტეგრაციის კომიტეტის თავმჯდომარემ ლაშა თორდიამ განაცხადა, სახალხო დამცველი გიორგი ტუღუში ქვეყანაში არ იმყოფება და შესაბამისად დღეს ანგარიშის განხილვა ვერ შედგება.
"ჩვენ ვესაუბრეთ სახალხო დამცველს და შევთანხმდით, რომ ანგარიშის საკომიტეტო მოსმენა თვის ბოლოს, 23 მაისს გაიმართება", - აღნიშნა მან.
თორდიას განცხადებას "ქრისტიან-დემოკრატების" წევრი ლევან ვეფხვაძე გამოეხმაურა და აღნიშნა, რომ კარგი იქნება თუ ადამიანის უფლებათა დაცვის კომიტეტის თავმჯდომარეს უფრო ინტენსიური კომუნიკაცია ექნება სახალხო დამცველთან, რათა ანგარიშის განხილვასთან დაკავშირებული თარიღები რეალობასთან ახლოს იყოს.
აღნიშნულთან დაკავშირებით, კი თორდიამ ოპოზიცია საკითხის პოლიტიზირებაში კიდევ ერთხელ დაადანაშაულა და აღნიშნა, რომ მას ტუღუშთან ურთიერთობის პრობლემა არ აქვს.
შეგახსენებთ, რომ პარლამენტში სახალხო დამცველის 2010 წლის ანგარიში 31 მარტს შემოვიდა.
