საქართველოში კანონიერი ქურდები პროკურორებმა ჩაანაცვლეს, - ამის შესახებ დღეს, პარლამენტში "ქრისტიან-დემოკრატებთან" შეხვედრაზე საქართველოს ადვოკატთა ასოციაციის პრეზიდენტმა ზაზა ხატიაშვილმა განაცხადა.
მისი თქმით, გლდანის #8 საპყრობილეებში პატიმრების სიკვდილიანობის ზრდა სწორედ საპროცესო გარიგებზე წასვალას უკავშირდება, რადგან თუ ისინი პროკურატურის შეთავაზებაზე უარს იტყვიან წამების და არაადამიანური მოპყრობის ობიექტები ხდებიან.
"ქურდებთან მებრძოლმა სააკაშვილის რეჟიმის პროკურორებმა კანონიერი ქურდები ახლა პროკურორებით ჩაანაცვლეს, რომლებსაც ყველა პატიმრის ნათესავების წრე ჰყავთ შესწავლილი, თუ რამდენის გადახდა შეუძლია და ამის მიხედვით აწესებს საპროცესო გარიგებაზე თანხის ოდენობას", - აღნიშნა ხატიაშვილმა.
ამასთან, ადვოკატ სოსო ბარათაშვილის შეფასებით, საპროცესო გარიგეგებებმა ქართული მართლმსაჯულება დაამახინჯეს და შედეგად, დღეს ქვეყნის ყველაზე სუსტი რგოლი, სასამართლოა.
ბარათაშვილი აღნიშნავს, რომ საპროცესო გარიგების თანხის ოდენობა "სადღაც კაბინეტში" წყდება, ისე რომ მას შესახებ პროკურორი მხოლოდ სასამართლოს სხდომაზე იგებს.
