პრეზიდენტისგან ზაფხულის ტურისტული სეზონისთვის შესაბამისმა უწყებებმა დავალება მიიღეს. როგორც პრეზიდენტის პრეს-სპიკერმა მანანა მანჯგალაძემ პრეზიდენტის სასახლეში გამართული ტრადიციულ ბროფინგზე განაცხადა, ამ უწყებებმა აღნიშნული მიმართულებით მუშაობა უკვე აქტიურად დაიწყეს.
"ზაფხულის სეზონისთვის ტურისტები საკმაოდ დიდ რაოდენობას ველოდებით და ამის საფუძველიც არსებობს. სტატისტიკური მონაცემებით 2011 წლის პირველი ოთხი თვის განმავლობაში ჩამოვიდა 679 409 ადამიანი, რაც 43 პორცენტით მეტია 2010 წლის პირველი ოთხი თვის მონაცემებთან შედარებით", - განაცხადა მანჯგალაძემ.
მისი თქმით, ტურისტების დიდი რაოდენობა ჩავა აჭარაში განახლებულ ბათუმში, ანაკლიაში, სადაც მანჯგალაძის თქმით, სტუმრებს უფრო მეტი კომფორტი დახვდებათ.
ასევე, სამცხეთ ჯავახეთში, სვანეთში, თუშეთში, კახეთსა და რაჭაში.
"ფაქტობრივად ყველა ტიპის ტურისტისტვის ვემზადებით. ჩვენი რელიეფი გვაძლევს იმის საშუალებას, რომ ტურისტებს სათანადო მასპინძლობა გაუწიოთ, როგორც მთაში ისე - ბარში. წარმატებული ტურისტული სეზონი ნიშნავს უფრო მეტ ინვესტიციებს, უფრო მეტ სამუშაო ადგილს და უფრო მეტ დასაქმებულ ადამიანს", - დასძენს პრეიზდენტის პრესსპიკერი.
