25 ათასი წლის წინ, ჩვენს ერამდე დახატული ნამუშევრები ესპანეთის ჩრდილოეთით მდებარე გამოქვაბულში აღმოაჩინეს. როგორც ადგილობრივი ხელისუფლება იტყობინება, ნახატები წითელ ფერშია შესრულებული და მასზე ცხენები და ადამიანის ხელები არის გამოსახული.
არქეოლოგები, რომლებიც ძველი დასახლებების ნაკვალევს ეძებდნენ, ამ აღმოჩენას მოულოდნელად წააწყდნენ.
როგორც აღნიშნავენ, გამოქვაბულში მიკვლეული გამოსახულებები იმ დროს უნდა ეკუთვნოდეს, როცა 1879 წელს ალტამირას გამოქვაბულში უძველესი პერიოდის ცნობილი ნამუშევრები აღმოჩნდა.
ექსპერტები ჩვენს წელთა აღრიცხვამდე არსებულ აღმოჩენებს კვლავაც განაგრძობენ.
შეგახსენებთ, ესპანეთის ჩრდილოეთით Homo sapiens-ის მცირეოდენი ჯგუფი 35 ათასი წლის წინ დასახლდა. სწორედ იმდროინდელმა "გონიერმა ადამიანმა" შექმნა ზედა პალეოლითის კულტურა. იმ დროს დაიწყეს ადამიანებმა ქვისგან იარაღის დამზადება და გამოქვაბულის კედლებზე ნახატების დატოვება.
