"Wall Street Journal" - ის ინფორმაციით, კომპანია Microsoft Skype-ს შესაძენად აქტიურ მოლაპარაკებებს აწარმოებს. როგორც აღნიშნული გამოცემა იუწყება, Microsoft Skype-ს 8.5 მილიარდ დოლარად შეიძენს, რაც კომპანიისთვის ყველაზე დიდი შენაძენი იქნება.
Microsoft-ის და Skype-ს წარმომადგენლები ამ ეტაპზე კომენტარის გაკეთებისგან თავს იკავებენ. Skype-ს მთელი მსოფლიოს მასშტაბით 663 მილიონი მომხმარებელი ჰყავს. 2006 წელს Skype ინტერნეტ აუქციონ eBay - ს მფლობელებმა 2.6 მილიარდ აშშ დოლარად შეიძნეს, 2009 - ში კი აქციების 70 პროცენტი 2 მილიარდ დოლარად გაყიდეს.