სამშობლო არის ის, რის გამოც თავის გაწირვა და სიკვდილზე წასვლა ღირს, - ამის შესახებ თელავში საინფორმაციო მიტინგზე ქართული პარტიის ლიდერმა ლევან გაჩეჩილაძემ განაცხადა. მის თქმით, მან თელავში მოღვაწეობა 10-15 წლის წინ დაიყო და ამიტომ მოუწოდა თელაველებს გვერდში დაუდგნენ და "დღევანდელი ხელისუფლება რომელმაც შავი ჭირის სახე მიიღო ერთად მოაშორონ".
"როდესაც მე კახეთში ვიყავი, მაშინ ჯერ კიდევ კარგი დრო იყო. ალბათ ყველას გახსოვთ, რა ღირდა მაშინ ყურძენი და რამდენად კმაყოფილი იყო გლეხიც, კომპანიის წარმომადგენელიც და მევენახეც. ახლა კი ეს ყველაფერი ამ ხელისუფლებამ მოაშორა", - აღნიშნა გაჩეჩილაძემ.
მისივე თქმით, სააკაშვილის რეჟიმის წინააღმდეგ მათ ბრძოლა 4 წლის წინ დაიწყეს და მიუხედავად იმისა, რომ დღეს სააკაშვილი კვლავ თავის სავარძელში ზის, არ ნიშნავს რომ ეს ბრძოლა უნდა შეწყდეს.
ამასთან, გაჩეჩილაძემ შეკრებილ მოსახლეობას მიმართა და უთხრა რომ არჩევანი უნდა გააკეთონ შიშსა და სამშობლოს შორის.
"მოგიწოდებთ ყველას, რომ ერთად ჩაუხტეთ მუხრან ბატონს ვერ ვიტყოდი მაგრამ ჩათლახების ბატონს", - მიმართა თელავის ცენტრში შეკრებილ აქციის მონაწილეებს ქართული პარტიის ლიდერმა.
