"ისტორიულად, სწორედ 8 მაისია გამოცხადებული კაპიტულაციისა და ფაშიზმზე გამარჯვების დღედ. სწორედ ისტორიულ საფუძვლებს ეფუძვნებოდა გრიგოლ ვაშაძის ინიციატივაც, თუმცა გაზიარებული უნდა იქნას თუ არა ის, ეს ფართო განხილვის საგანს უნდა წარმოადგენდეს", - განუცხადა საგარეო საქმეთა მინისტრის მოადგილე ნინო კალანდაძემ ჟურნალისტებს.
მისივე განმარტებით, საკითხის გადაწყვეტისას ვეტერანთა პოზიციის გათვალისწინება აუცილებლად უნდა მოხდეს.
შეგახსენებთ, რომ საქართველოს საგარეო საქმეთა მინისტრი გრიგოლ ვაშაძე ინიციატივით გამოდის, 9 მაისის ნაცვლად ქართველმა ხალხმა ფაშიზმზე გამარჯვება 8 მაისს იზეიმოს.
