მთელი კაცობრიობა 8 მაისს ფაშიზმზე გამარჯვების დღეს აღნიშნავს, თუმცა რუსეთი აქაც გამონაკლისია.
მის შესახებ დღეს, საქართველოს საგარეო საქმეთა მინისტრმა გრიგოლ ვაშაძემ ვაკის პარკში უცნობი ჯარისკაცის საფლავის გვირგვინის შემკობის შემდეგ განაცხადა, სადაც იგი საქრთველოში აკრედიტებულ დიპლომატიურ კორპუსთან ერთად იმყოფებოდა.
"რუსეთი, როგორც ყოველთვის, სეპარატისტულად აღნიშნავს ამ დღესაც და ფაშიზმზე გამარჯვების 9 მაისს ზეიმობს. ეს არის დღე, როდესაც კაცობრიობა ცივილიზაციის გამარჯვებას ზეიმობს სიბნელეზე, ადამიანურობის გამარჯვებას ფაშიზმზე, ყველაზე მახინჯზე, თუ რამე შეუქმნია კაცობრიობას თავისი მრავალსაუკუნოვანი ისტორიის განმავლობაში", - განაცხადა ვაშაძემ.
ამასთან, მინისტრის შეფასებით, ფაშიზმთან მებრძოლების შვილიშვილბმა ბრძოლის ფაშისტების მეთოდები გადაიღეს და საქართველოს 400 000 მოქალაქე, ეთნიკური წმენდის შედეგად, თავიანთი სახლებიდან გამოასახლეს.
"მინდა რუსს ხალხს სხვა ხალხებთან ერთად ეს გამარჯვების დღე მივულოცო. დარწმუნებული ვარ, უახლოეს მომავალში, მაშინ, როდესაც რუსეთში იქნება ნორმალური ხელისუფლება და რუსეთი იქნება დემოკრატიული ქვეყანა, ჩვენ კიდევ ერთხელ აღვნიშნავთ ამ დღესასწაულს ერთად", - განაცხადა საგარეო საქმეთა მინისტრმა.
