"ნაბუკოს" გაზსადენის მშენებლობის პროექტის კონსრომციუმმა, ევროპაში კასპიური გაზის მიწოდების დაწყების თარიღი 2 წლით გადაწია, იტყობინება „როიტერი".
ახალი გეგმის მიხედვით, გაზის მიწოდება 2017 წელს დაიწყება, შესაბამისი განცხადება Nabucco Gas Pipeline International GmbH-ის მმართველმა დირექტორმა რეიჰარდ ვიტჩეჯმა გააკეთა.
მისი თქმით ნავარაუდევია, რომ მშენებლობა 2013 წელს დაიწყება, ხოლო მიწოდება 2017 წელს. ადრე კონსრომციუმი აცხადებდა, რომ მიწოდებას 2015 წელს დაიწყებდა, რომლის გამტარი სიმძლავრე წელიწადში 31 მლრდ. კუ/მ-ად იყო შეფასებული, თავად გაზსადენის სიგრძე კი 4 ათასი კმ. უნდა იყოს. თურქული წყაროების მიხედვით, გაზსადენის საპროექტო საინვესტიციო ღირებულება 12-15 მლრდ. ევრომდე გაიზარდა, მაშინ როდესაც პროექტი ადრე ღირებულებად 7,9 მლრდ. დოლარი სახელდებოდა. საინვესტიციო გადაწყვეტილება, სავარაუიდოდ 2012 წლისთვის დადგინდება. მიტჩეკმა აღნიშნულთან დაკავშირებით კონკრეტული განმარტებები არ გაკეთა, თუმცა აღნიშნა, რომ გაზსადენის სიგრძე 550 კმ.-ით გაიზრდება.
კონსროციუმიში "ნაბუკოს" მშენებლობისთვის ამ დროისთვის გაერთიანებულნი არიან თურქული კომპანია Botas, Bulgarian Energy Holding, უნგრული MOL PLC, ავსტრიული OMV Gas&Power, GmbH გერმანული RWE და რუმინული Transgaz..
პროექტის ყოველ მონაწილეს პროექტში 16,67 %-იანი წილი აქვს. TumcaRa International Petroleum Investment Company (IPIC) უკვე ფლობს აქციათა 20 %-ს ავსტრიულ OMV Gas&Power GmbH -ში.
"ნაბუკოს" პროექტი ითვალისწინებს კასპიური გაზის ევროპაში მოხვედრასც აზერბაიჯანის, საქართველოს, თურქეთის, ბულგარეთის, უნგრეთის, რუმინეთისა და ავსტრიის გავლით. პროექტის თანახმად, გაზსადენი ბაქო-თბილისი-ერზერულის გაზსადენის გაგრძელება გახდება და ყოველწლიურად 20-30 მლრდ კუბურიმეტრის გაზის გაატრებას უზრუნველყოფს.