საქართველოში მომავალ კვირას, შესაძლოა, საწვავი გაიაფდეს
თუ საერთაშორისო ბაზარზე ნავთობსა და ნავთობპროდუქტებზე ფასების კლება გაგრძელდება საწვავის ფასი საქართველოშიც დაიკლებს, ამის შესახებ განცხადებას ნავთობპროდუქტების მწარმოებელთა, იმპორტიორთა და მომხმარებელთა კავშირის თავმჯდომარე ვანო მთავრალაშვილი აკეთებს.
მთვარალაშვილის თმით, ბოლო რამდენიმე დღის განმავლობაში საერთაშორისო სასაქონლო ბირჟებზე დაფიქსირდა როგორც ნავთობზე ასევე ნავთოპროდუქტებზე ფასების კორექტირება დაწევის მიმართულებით.
"საერთაშორისო ბაზრებზე ფასების ცვლილება ჩვენი ქვეყნის შიდა ბაზარზე აისახება 2-3 კვირის შემდეგ ლოგისტიკური ოპერაციების თავისებურებებიდან გამომდინარე. თუმცა იმის გათვალისწინებით, რომ ბოლო თვეების განმავლობაში როგორც მსოფლიო ბაზრებზე, ასევე შესაბამისად საქართველოში საკმაოდ მაღალ ნიშნულზე იდგა საწვავის ფასები, ჩვენი კავშირის წევრი კომპანიები, ითვალისწინებენ რა სოციალურ ფაქტორებს აცხადებენ, რომ თუ მომდევნო კვირის დასწყისში კვლავ გაგრძელდება ფასების კლება კომპანიები უკვე მომავალ კვირაშივე მოახდენენ ბენზინისა და დიზელის საწვავზე ფასების შემცირებას"- აცხადებს მთვრალაშვილი.
მისივე განმარტებით, საქართველოს შიდა ბაზარზე ფასების დინამიკა მთლიანად არის დამოკიდებული საერთაშორისო ბაზრებზე არსებულ კონიუქტურაზე.