ლატვიის ავიახაზები "airBaltic" ბათუმის მიმართულებით ფრენების განხორციელებითაა დაინტერესებული, ამის შესახებ საქართველოში სტუმრად მყოფმა ლატვიის საგარეო საქმეთა მინისტრმა გირტსვალდის კრისტოვსკისმა განაცხადა. მინისტრის თქმით, კომპანია ქართულ ბაზარზე ურთიერთობების გაღრმავებითაა დაინტერესებული.
"ლატვია ცდილობს, ჩვენი ბიზნეს სექტორი დავაინტერესოთ საქართველოს მრეწველობით და ეკონომიკის სხვა სექტორებით. მაგალითად, ჩვენი "ნაციონალური ავიახაზები" ცდილობს საქართველოსთან ურთიერთობა გააღრმავოს. როგორც ჩემთვის ცნობილია, ის ბათუმითაა დაინტერესებული და არ არის გამიორიცხული რომ სხვა ქალაქებითაც დაინტერესდეს"- განაცხადა გირტსვალდის კრისტოვსკისმა.
ლატვიურმა ავიაომპანია airBaltic-მა საქართველოში საკუთარი წარმომადგენლობა, გასულ წელს გახსნა. კომპანიის ინფორმაციით, airBaltic უზრუნველყოფს რეისებს დაბალ ფასებით და აკავშირებს თბილისს დასავლეთ ევროპის, სკანდინავიის, ხმელთაშუა ზღვის რეგიონის და ახლო აღმოსავლეთის უმთავრეს აეროპორტებთან.
airBaltic ახორციელებს პირდაპირ რეისებს რიგიდან 80 მიმართულებით. დანიშნულების ადგილის მიუხედავად airBaltic გთავაზობთ ხელსაყრელ დაკავშირებას რიგის ჩრდილოეთ საკვანძო აეროპორტიდან კომპანიის სამარშრუტო ქსელის მიმართულებებით სკანდინავიაში, ევროპაში, რუსეთში, დსთ-ს ქვეყნებსა და ახლო აღმოსავლეთში.
airBaltic არის სააქციო საზოგადოება, რომელიც 1995 წელს დაფუძნდა. კომპანიის ძირითადი აქციონერები არიან ლატვიის მოქალაქეები - სააქციო კაპიტალის 52.6% და SIA Baltijas aviacijas sistemas - სააქციო კაპიტალის 47.2 %. airBaltic-ის ავია პარკი მოიცავს 29 ავიახომალდს - ექვსი ბოინგი 737-500, რვა ბოინგი 727-300, ორი ბოინგი 757-200, ათი ფოკერი 50 და სამი ბომბდამშენი Q400Next Gen.