საქართველოსა და ყახაზეთს შორის ავიარეისების რაოდენობა გაიზრდება. უახლოეს ხანებში ალმა-ატიდან თბილისის მიმართულებით რეისები კვირაში სამჯერ შესრულდება.
ავიარეისების გაზრდით კი საქართველოში ყაზახი ტურისტების რაოდენობის ზრდასაც მოელიან.
საქართველოს ეკონომიკისა და მდგრადი განვითარების მინისტრმა ყაზახეთში ვიზიტისას ქვეყნის ტურიზმის სამინისტროში შეხვედრები გამართა.
სამინისტროში იმედი აქვთ, რომ ორ ქვეყანას შორის ტურისტულ ურთიერთობებს კიდევ უფრო გააღრმავებს შეთანხმება, რომელს ხელი ზაფხულში მოეწერება, რაც ყაზახურ და ქართულ ტურისტულ კომპანიებს ურთიერთობების დამყარებაში კიდევ უფრო დაეხმარება.
"საქართველოსა და ყაზახეთს შორის საკმაოდ დიდი სავაჭრო ბრუნვაა. ბოლო პერიოდში სავაჭრო ბრუნვასთან ერთად, ყაზახეთიდან ინვესტიციების მოცულობაც იზრდება"- აღნიშნა ყაზახეთში სტუმრობისას ვერა ქობალიამ.
ყაზახეთის ტურიზმისა და კომუნიკაციების ვიცე-მინისტრი აზატ ბეკტუროვის თქმით, ორ ქვეყაანას შორის ურთიერთობები კიდევ უფრო გამყარდება.