დაცული ტერიტორიებისა და მათი ტერიტორიულ-ფუნქციონალური ზონების მიწების არამიზნობრივი გამოყენება დასჯადი აღარ იქნება.
აღნიშნულთან დაკავშირებით "ადმინისტრაციულ სამართალდაღვევათა კოდექსში" პარლამენტის გადაწვეტილებით შესაბამისი მუხლი გაუქმდა.
დღემდე არსებული რეგულაციით, დაცული ტერიტორიების მართვისა და დაცვისათვის უშუალოდ პასუხისმგებელ პირთა მიერ დაცული ტერიტორიებისა და მათი ტერიტორიულ-ფუნქციონალური ზონების მიწების არა იმ მიზნით გამოყენება, რისთვისაც ისინი გამოიყო -
150 ლარიდან 200 ლარამდე ჯარიმდებოდა.
იგივე ქმედება, ჩადენილი სახელმწიფო ნაკრძალის, ეროვნული პარკის ბუნების მკაცრი დაცვის ზონის, ბუნების ძეგლის, ბიოსფერული რეზერვატის ბირთვის (ბუნების მკაცრი დაცვის) ზონის, მსოფლიო მემკვიდრეობის უბნისა და საერთაშორისო მნიშვნელობის ჭარბტენიანი ტერიტორიის დადგენილი საზღვრების ფარგლებში იწვევდა დაჯარიმებას 300 ლარიდან 500 ლარამდე.
"ადმინისტრაციულ სამართალდაღვევათა კოდექსში" ცვლილებების შეტანის შემდეგ კი აღნიშნული მუხლი გაუქმებულია.
