აჭარის სოფლის მეურნეობის სამინისტრო ციტრუსის ჯიშების განახლების პროგრამას ახალი მეთოდებით აგრძელებს. უწყება რეგიონში ესპანეთის გამოცდილების გამოყენებას გეგმავს. სევილიის პროვინციიდან ჩამოტანილ ციტრუსის ნერგებს სპეციალისტები სანერგე მეურნეობაში გამოცდიან. როგორც "ჯი-ეიჩ-ენთან" საუბრისას აჭარის სოფლის მეურნეობის მინისტრმა დონარა სურმანიძემ განაცხადა, ეპანეთიდან ენრგების პირველი პარტია დაახლოებით ერთ თვეში ჩამოვა. მინისტრი ამბობს, რომ პილოტური პროექტისთვის აჭარაში 30 ერთეულ სხვადასხვა ჯიშის ციტრუსის ნერგს ჩამოიტანენ და გამართლების შემხვევაში სექტემბერში დამატებითი პარტიის ჩამოტანა მოხდება. სურმანიძის თქმით, ესპანეთში ნერგების ღირებულება, მის ჯიშზე, მოსავლიანობაზე და ასაკზეა დამოკიდებული, თუმცა ნერგების ფასი საშუალოდ 5 დოლარიდან იწყება.
აჭარის სოფლის მეურნეობის მინისტრი, ესპანური კომპანია GMD Domingo y Lazaro Ingenieros S.L.-ის მიწვევით, ესპანეთში უკვე იმყოფებოდა. ვიზიტის მიზანი ესპანურ მხარესთან თანამშრომლობის დამყარება, მეციტრუსეობის დარგში, ესპანური გამოცდილების შესწავლა- გაზიარება იყო.
ვიზიტის ფარგლებში ქართულმა დელეგაციამ ჰუელვას პროვინცია მოინახულა, რომელიც ესპანეთში ერთ-ერთი წამყვან რეგიონად მიიჩნევა ციტრუსისა და მარწყვის წარმოებაში.
ქართულმა დელეგაციამ დაათვალიერა ასევე მეციტრუსეთა კოოპერატივი Gooperativa de la Bella, სადაც თანამედროვე სამაცივრე და შესაფუთ მეურნეობებს, მარწყვისა და ჟოლოს პლანტაციებს, მორწვისა და შეფუთვის თანამედროვე მეთოდებს გაეცნენ.
დაათვალიერეს ფორთოხლისა და მანდარინის ახალი ჯიშებიც, რომლებიც მოსავალს იძლევიან სექტემბრიდან ივნისის ჩათვლით. მათ შორის ახალი ჯიშები, რომლებიც ჯერ კიდევ გამოცდის სტადიაშია.
ვიზიტის ბოლოს, ესპანელ ექსპერტთან Juan Manual desi LIisto-თან ერთად შეირჩა ციტრუსის ის ჯიშები, რომლებიც ყველაზე ოპტიმალური იქნება აჭარის რეგიონისთვის. ესპანეთიდან ერთ თვეში აჭარაში გამოსაცდელად დაგეგმილია 15-მდე ახალი ჯიშის, მათ შორის ფორთოხლის, მანდარინის, ლიმონის, სუბტროპიკული ხურმისა და თხილის ნერგების გამოგზავნა.
