ხვალ, 6 მაისს, საქართველოში პოლიციის დღე აღინიშნება.
ამ დღის აღსანიშნავად საზეიმო აღლუმი ამჯერად დედაქალაქის ნაცვლად ბათუმში გაიმართება.
როგორც სააგენტო "ჯი-ეიჩ-ენთან" საუბრისას, აჭარის უმაღლესი საბჭოს იურიდიულ საკითხთა კომიტეტის თავმჯდომარემ პეტრე ზამბახიძემ განუცხადა, აღლუმი საკმაოდ შთამბეჭდავი იქნება და ის ახალ ბულვარში მოეწყობა.
"შარშანდელი გამოცდილების გათვალისწინებით, წელს აღლუმი ძალიან შთამბეჭდავი და სანახაობრივი იქნება"- აღნიშნა პეტრე ზამბახიძემ.
პოლიციის აღლუმს საქართველოს ხელისუფლების პირველი პირები ჩაიბარებენ.
შეგახსენებთ, რომ პოლიციის დღედ 6 მაისი შარშან გამოცხადდა. ტრადიციის დამკვიდრების პირველ წელს მიხეილ სააკაშვილმა აღლუმი თბილისში ჩაიბარა.
ცნობისთვის, 6 მაისი აჭარის რევოლუციის დღეცაა. ხვალ, რეგიონში ასლან აბაშიძის რეჟიმის შეცვლიდან 7 წელი გადის.
