საქართველოს აქვს წარმატებები - კორუფციასთან ბრძოლიდან დაწყებული ეკონომიკის სხვა და სფეროთი დამთავრებული. ეს განცხადება გერმანიის საგარეო პოლიტიკის ცენტრ "რუსეთ-ევრაზიის" დირექტორმა და საექსპერტო საბჭოს წევრმა ალექსნდრე რარმა გააკეთა.
"ადამიანები გრძნობენ, რომ მათ მომავალში გაუჩნდათ, არის პოზიტიური ტრენდი და სწორედ ამას გადაჰყავს ადამიანები პრეზიდენტ მიხეილ სააკაშვილის გუნდში", _ აცხადებს რარი საქართველოში 21 მაისს დაგმილი საპროტესტი აქციის პერსპექტივების კომენტირებისას. ინფორმაციას ამის შესახებ სააგენტო "ტრენდი" ავრცელებს.
ალექსანდრე რარი მიიჩნევს, რომ ქართული ოპოზიციის პრობლემა იმაში მდგომარეობს, რომ მას არ ჰყავს ერთიანი ლიდერი. "უთანხმოება - ეს ყველა დემოკრატიული პარტიისა და ოპოზიციური ბლოკების პრობლემაა მთელს ახლოაღმოსავლეთის ევროპაში", _ მიიჩნევს რარი და აღნიშმავს, რომ ოპოზიციონერები ერთმანეთში ვერ თანხმდებიან, ყველა თავის პირობას აყენებს და ყველას მთავარი როლის თამაში უნდა.
"ასეთ ოპოზიციურ ჯგუფებს შიგნით ადგილი აქვს შიდაპოლიტიკურ ომებსა და ინტრიგებს. ხელისუფლება კი ამით იგებს და ოპოზიციის უთანხმოების კარტს ათამაშებს. სწორედ ასეთი სცენარი ვითარდება საქართველოში და ამიტომაც არავითარი რევოლუცია მოსალოდნელი არ არის", _ აცხადებს რარი და აღნიშნავს, რომ შესაძლოა საპროტესტო ძალისხმევა გაძლიერდეს, მაგრამ ახლა არა, უფრო 2013 წელს დაგეგმილი საპრეზიდენტო არჩევნების დროისათვის", _ აცხადებს ექსპერტი.