ცენტრალურ საარჩევნო კომისიას ახალი პრესსპიკერი ეყოლება.
როგორც "ჯი-ეიჩ-ენს" ცესკო-ს უკვე ყოფილმა პრესსპიკერმა ჯული გიორგაძემ განუცხადა, მან რამდენიმე დღის წინ თანამდებობა დატოვა.
"მიზეზი გახდა ჩემი პირადი გადაწყვეტილება და ეს ცესკო-ში რაიმე კონფლიქტს არ უკავშირდება", - განმარტა გიორგაძემ.
გიორგაძისთვის მისი შემცველის სავარაუდო ვინაობა უცნობია, თავად ცესკოში კი აცხადებენ, რომ ახალ პრესსპიკერს ცოტა ხანში წარადგენენ.